الأربعاء، 23 يونيو، 2010

كلمتين وبس - الغرض من المدونة

الهدف من المدونة تعمدت ان التدوينة دى تكون باللغة العامية الفصحى يعنى لغة الشباب والبنات المقرمشين علشان المعلومة توصل بسهولة ويسر ومتبقاش صعبة على كتير من الناس, النهاردة هاوضح اية الغرض من انشاء مدونة انسبيكى على الرغم من انى عارف ان فى كتير من الناس أول انطباع هيطلع منهم هو "اية الفراغ الجامد دة" هى وصلت لدرجة ان الانسبيك يبقالة مدونة ؟؟ . طبعا الشريحة دى من الناس انا شخصيا لا أهتم لأمرها كتير لأن مش هى دى الناس اللى هتكون ضيوف هنا ... وعلى الرغم من كدة فالغرض من التدوينة هو توضيح فكرة انسبيكى كمدونة شخصية زى باقى المدونات الشخصية المنتشرة على الانترنت, بغض النظر عن اسم المدونة "انسبيكى" ممكن كان يكون اسمها اى اسم تانى لأى برنامج شات ممكن يجمعنى بنوعيات مختلفة من الناس بمختلف ميولهم وثقافاتهم ومستوياتهم الأخلاقية والأجتماعية لذلك فالأهمية مش فى اسم البرنامج ولكن الأهمية تكمن فى استقطاب نوعيات راقية من المستخدمين داخل البرنامج, لسة لحد دلوقتى الكلام مش مفهوم وبالتأكيد فى ناس فاتحة بوقها ومش فاهمة حاجة ومش بعيد يكونوا بيقولوا "هو الراجل دا عاوز يقول اية بالظبط" علشان كدة هقول تانى بصورة أبسط, الغرض من المدونة هو ابراز الجانب الأرقى والمضئ من أى مستخدم انسبيكى يملك مقاييس معينة من الأخلاق والجوانب الايجابية فى حياتة وشخصيتة ودا طبعا نظرا لأن دايما الجانب المظلم هو اللى بيظهر داخل البرنامج وبصورة مباشرة خلال الأوقات اللى بيقضيها كل واحد فينا على البرنامج دة لدرجة جعلت فى اختلاط ولبث بين مختلف انواع البشر وتناقضات غريبة بنتعرضلها فى الوقت القصير اللى بنقضية على البرنامج, عندك موهبة هنظهرهالك بتحب تكتب وليك كتابات خاصة هننشرها هنا وهكذا .... دا بالأضافة الى ان الأمر ميخلاش من انتقاض ومعالجة لبعض الأحداث والشخصيات الكرتونية اللى دايما بتنسى نفسها, فهمتوا حاجة ؟؟؟